ভয়ংকৰ পথ দুৰ্ঘটনা; “নিয়মীয়া বাৰ্তা” কাকত কঢ়িওৱা বাহন দুৰ্ঘটনাগ্ৰস্ত, নিহত দুজন

বৰপেটা জিলাৰ সৰভোগত ভয়ংকৰ পথ দুৰ্ঘটনা। “নিয়মীয়া বাৰ্তা” কাকত কঢ়িওৱা বাহন দুৰ্ঘটনাত থিতাতে নিহত দুজন। বৰপেটা জিলাৰ সৰভোগৰ মইনবড়ী সত্ৰৰ কাষৰ ডিভাইডাৰৰ মাজত থকা এটা পুলত নিয়ন্ত্ৰণ হেৰুৱাই সোমাই যায়।

এই দুৰ্ঘটনাটোত থিতাতে দুজন নিহত হোৱাৰ লগত এজন গুৰুতভাৱে আহত হয়। নিহত উমানন্দ ৰাভা আৰু আনজনৰ পৰিচয় এতিয়াও চিনাক্ত হোৱা নাই,আনফালে গুৰুতভাৱে আহত হোৱা হিতেশ বৰ্মনক উন্নত চিকিৎসাৰ বাবে বৰপেটাৰ ফকৰুদ্দিন আলী আহমেদ মেডিকেল হাস্পতাললৈ প্ৰেৰণ কৰা হৈছে।

দুৰ্ঘটনাত পতিত হোৱা বাহনখনৰ সন্মুখত PRESS বুলি লিখা থকাৰ বাবে আৰক্ষীৰ লগতে সকলোৱে সংবাদ মাধ্যমৰ লগত জড়িত থকা বাহন বুলি জানিবলৈ পায়,পিছত আন এখন বাতৰি কাকত কঢ়িওৱা বাহনে দুৰ্ঘটনাত পতিত হোৱা বাহনখন নিয়মীয়া বাৰ্তা বাতৰিকাকত কঢ়িওৱা বাহন বুলি সাংবাদিকক জানিবলৈ দিয়ে ৷

ইতিমধ্যে দুৰ্ঘটনাত নিহত হোৱা লোক দুজনৰ নিথৰ দেহ সৰভোগ আৰক্ষী থানালৈ লৈ যোৱা হৈছে আৰু কিছু সময় পিছত মৰণোত্তৰ পৰীক্ষাৰ বাবে বৰপেটালৈ প্ৰেৰণ কৰিব ৷

Photo & Input: ৰবিউল ইছলাম