বিশ্বাসঘাতকতাৰ ওচৰত হাৰ মানিলে প্ৰেমে! প্ৰেমিকাক লগ ধৰিবলৈ প্ৰেমিকে চুৰি কৰিছিল স্কুটী; কিন্তু বিশ্বাসঘাতক প্ৰেমিকায়ে আৰক্ষীক খবৰ দিলে প্ৰেমিকে এই চুৰিকাণ্ড কৰা বুলি

প্ৰেমৰ (Love) নামত সকলো সম্ভৱ! এনে এক ঘটনা পোহৰলৈ আহিছে ডিব্ৰুগড়ৰ (Dibrugarh) বৰবাম অঞ্চলৰ পৰা। সোমবাৰে এজন ২১ বছৰীয়া যুৱকক স্কুটী চুৰি কৰাৰ অভিযোগত গ্ৰেপ্তাৰ কৰে (Boy Arrest For Stolen Scooty)। গ্ৰেপ্তাৰ কৰা যুৱকজনৰ নাম হেমন্ত গগৈ (২১) (Hemanta Gogoi)। হেমন্ত যোৰহাটৰ বাসিন্দা।

ডিব্ৰুগড়ৰ বৰবাম অঞ্চলত বাস কৰা প্ৰেমিকাক লগ কৰিবৰ বাবে যুৱকজনে ১০ ছেপ্টেম্বৰত এখন স্কুটী চুৰি কৰিছিল। এই কথা জানিবলৈ দিয়ে ভোগদৈ আৰক্ষী (Bhogdoi Police) চকীৰ ভাৰপ্ৰাপ্ত বিষয়াই।

স্কুটীখন চুৰি হোৱাৰ পিছত গৰাকীয়ে আৰক্ষী থানাত এটা গোচৰ ৰুজু কৰিছিল। গোচৰটো ৰুজু হোৱাৰ পিছতে ভোগদৈ আৰক্ষীয়ে হেমন্ত গগৈ নামৰ যুৱকৰ অৱস্থান অনুসন্ধান কৰি বৰবাম অঞ্চলত থকা বুলি জানিব পাৰে।

পিছত আৰক্ষীয়ে যুৱকজনৰ প্ৰেমিকাৰ সৈতে যোগাযোগ কৰে আৰু প্ৰেমিকক গ্ৰেপ্তাৰ কৰাত আৰক্ষীক সহায় কৰিবলৈ কয়।

আৰক্ষীৰ কথা শুনি ১১ ছেপ্টেম্বৰত প্ৰেমিকাই চলেৰে বৰবাম আৰক্ষী চকীলৈ (Barbam Police Outpost) লৈ যায় প্ৰেমিকক। তাৰ পিছতে আৰক্ষীয়ে যুৱকজনক গ্ৰেপ্তাৰ কৰি ভোগদৈ আৰক্ষীক (Bhogdoi Police) গতাই দিয়ে। ইয়াৰ পূৰ্বেও প্ৰেমিক যুৱকে কাজিৰঙাৰ এখন ৰেষ্টুৰেণ্টৰ পৰা নগদ ২০ হাজাৰ টকা চুৰি কৰিছিল বুলি আৰক্ষীৰ জেৰাত প্ৰকাশ কৰে।

Photo: Google

আৰু পঢ়কঃ https://khatangkhobor.com/viral-fb-post/lakhimpur-medical-college-garde-iv-exam-scam-in-assam/11742/