ই-ৰিক্সা (E-Rikswa) চালকসকলৰ বাবে এটা দুখবৰ! এতিয়াৰে পৰা ঘৰুৱা সংযোগেৰে চাৰ্জ দিব নোৱাৰিব ই-ৰিক্সা; APDCLত নতুনকৈ কৰিব লাগিব আবেদন

ই-ৰিক্সা (E-Rikswa) চালকৰ বাবে এটা দুখবৰ! এতিয়াৰে পৰা ঘৰুৱা সংযোগত ই-ৰিক্সাত দিব নোৱাৰিব চাৰ্জ। ই-ৰিক্সা চাৰ্জ দিয়াৰ বাবে এতিয়াৰে পৰা APDCLত নতুনকৈ আবেদন কৰিব লাগিব। এক জাননীযোগে এই কথা সদৰি কৰিছে ৰহা বিদ্যুৎ উপ সংমণ্ডলে।

নিৰ্দেশনা নামানিলে গ্ৰাহকৰ বিৰুদ্ধে আইনী ব্যৱস্থা লোৱা হ’ব বুলিও সদৰি কৰিছে ৰহা বিদ্যুৎ উপ-সংমণ্ডলে।

জাননীখনত উল্লেখ কৰা হৈছে যে, যিসকল বিদ্যুৎ গ্ৰাহকে নিজৰ ঘৰত ই-ৰিক্সা (E-Rikswa) চাৰ্জ কৰিবলৈ বিদ্যুৎ শক্তি ব্যৱহাৰ কৰি আছে, তেওঁলোকে অনতিপলমে ই-ৰিক্সাৰ (E-Rikswa) কাৰণে LT- Electric Vehicle Charging শ্ৰেণীৰ অতিৰিক্ত বিদ্যুৎ সংযোগৰ কাৰণে আবেদন কৰিব লাগিব।

অন্যথা ঘৰুৱা সংযোগৰ পৰা ই-ৰিক্সা চাৰ্জত বিদ্যুৎ ব্যৱহাৰ কৰা গ্ৰাহকসকলৰ বিৰুদ্ধে ভাৰতীয় বিদ্যুৎ আইনৰ ধাৰা ১২৬ অনুযায়ী ব্যৱস্থা গ্ৰহণ কৰিব বুলিও জাননীত উল্লেখ কৰিছে।

Photo: Google

আৰু পঢ়কঃ https://khatangkhobor.com/miscellaneous/health/health-tips-cucumber-benefits-for-health/11317/