“ৰণবীৰ সিঙৰ ‘ধূৰন্ধৰ’ ছবিখন গাল্ফ (Gulf) দেশসমূহত নিষিদ্ধ, যাৰ ফলত বিদেশী বক্স অফিচ সংগ্ৰহত প্ৰভাৱ পৰিছে “

“ৰণবীৰ সিঙৰ ‘ধূৰন্ধৰ’ ছবিখন গাল্ফ (Gulf) দেশসমূহত নিষিদ্ধ, যাৰ ফলত বিদেশী বক্স অফিচ সংগ্ৰহত প্ৰভাৱ পৰিছে “

এক বলিষ্ঠ চৰিত্ৰত অভিনয় কৰা ৰণবীৰ সিংৰ ‘ধূৰন্ধৰ’ বিদেশী বক্স অফিচত এক শক্তিশালী প্ৰদৰ্শনকাৰী হিচাপে প্ৰমাণিত হৈছে। মাত্ৰ চাৰি দিনৰ ভিতৰতে, একচন ড্ৰামাখনে আন্তঃৰাষ্ট্ৰীয় পৰ্যায়ত ৪৪.০৮ (Rs. 44.08) কোটি টকা উপাৰ্জন কৰিছে, যিয়ে  চিনেমাখনৰ প্ৰতি দৰ্শকৰ প্ৰবল আগ্ৰহৰ ইংগিত দিছে। অৱশ্যে, গাল্ফ (Gulf) দেশসমূহে ছবিখনৰ বিষয়বস্তুৰ বাবে মুক্তি দিবলৈ অস্বীকাৰ কৰে।

নিৰ্মাতাসকলৰ অশেষ প্ৰচেষ্টাৰ পিছতো, ‘ধূৰন্ধৰ’-এ সংযুক্ত আৰব আমিৰাত (UAE) / গাল্ফ সহযোগিতা পৰিষদৰ (GCC) কোনো অঞ্চলতে ক্লিয়াৰেন্স লাভ কৰিব নোৱাৰিলে — এই অঞ্চলসমূহে বলীউডৰ ছবিজগতখনৰ বিদেশী ৰাজহ সংগ্ৰহৰ ক্ষেত্ৰত এক ডাঙৰ অৰিহণা যোগায়।

বলীউড হাঙ্গামাক (Bollywood Hungama) এক সূত্ৰই জনোৱা অনুসৰি, “বাহৰেইন, কুৱেইট, ওমান, কাটাৰ, চৌদি আৰব আৰু UAE-য়ে ‘ধূৰন্ধৰ’ মুক্তি দিয়া নাই। এইটো হ’ব পাৰে বুলি আশংকা আছিল কিয়নো ছবিখনক ‘পাকিস্তান বিৰোধী ছবি’ হিচাপে গণ্য কৰা হৈছে। লগতে, অতীততো এনেধৰণৰ ছবিয়ে এই অঞ্চলত মুক্তি লাভ কৰিবলৈ ব্যৰ্থ হৈছে। তথাপিও, ‘ধূৰন্ধৰ’ৰ দলটোৱে চেষ্টা কৰিছিল, কিন্তু দুখৰ বিষয় যে সকলো দেশে ছবিখনৰ বিষয়বস্তুত অনুমোদন নিদিলে। এই কাৰণেই ‘ধূৰন্ধৰ’ কোনো গাল্ফ ((Gulf)  দেশতে মুক্তি পোৱা নাই।”

এই অস্বীকাৰে ছবিখনক বলীউডৰ আটাইতকৈ নিৰ্ভৰযোগ্য বিদেশী বজাৰসমূহৰ পৰা বিচ্ছিন্ন কৰি পেলাইছে।

আদিত্য দত্তৰ দ্বাৰা পৰিচালিত ‘ধূৰন্ধৰ’-এ ৰণবীৰ সিঙক এজন ভাৰতীয় বিষয়াৰ ৰূপত উপস্থাপন কৰিছে যিয়ে গোপনে পাকিস্তানত প্ৰৱেশ কৰে আৰু ইয়াৰ অপৰাধ আৰু ৰাজনৈতিক নেটৱৰ্কত আলোড়নৰ সৃষ্টি কৰে। অভিনেতা-অভিনেত্ৰীসকলৰ ভিতৰত অক্ষয় খান্না, সঞ্জয় দত্ত, আৰ. মাধৱন, অৰ্জুন ৰামপাল, ছাৰা অৰ্জুন আৰু ৰাকেশ বেদী আছে।

GCC-ৰ নিষেধাজ্ঞাৰ সন্মুখীন হোৱা এইখন প্ৰথম ছবি নহয় –

‘ধূৰন্ধৰ’-ক গাল্ফত (Gulf)প্ৰত্যাখ্যান কৰাটো এক ongoing trend, য’ত ৰাজনৈতিকভাৱে সংবেদনশীল ভাৰতীয় ছবিসমূহক এই অঞ্চলত মুক্তি দিয়াত বাধা আৰোপ কৰা হয়।

ফাইটাৰ (Fighter) (২০২৪): হৃত্বিক ৰোশন–দীপিকা পাডুকন অভিনীত এই ছবিখনে প্ৰথমে কেৱল UAE তহে ক্লিয়াৰেন্স পাইছিল কিন্তু পিছলৈ স্থগিত ৰখা হৈছিল। নিৰ্মাতাসকলে “problematic” দৃশ্যসমূহ আঁতৰোৱাৰ পিছত এক সংশোধিত সংস্কৰণ দাখিল কৰিছিল, কিন্তু সেইটোও প্ৰত্যাখ্যান কৰা হৈছিল।

স্কাই ফ’ৰ্চ (Sky Force) আৰু দ্য ডিপ্ল’মেট (The Diplomat) (২০২৪): ক্ৰমান্বয়ে অক্ষয় কুমাৰ আৰু জন আব্ৰাহামে অভিনয় কৰা এই দুয়োখন ছবিক পাকিস্তান-সম্পৰ্কীয় বিষয়বস্তুৰ বাবে নিষিদ্ধ কৰা হৈছিল।

আৰ্টিকল ৩৭০ (Article 370) (২০২৪): এই ৰাজনৈতিক ড্ৰামাখনক GCC বজাৰসমূহত প্ৰমাণপত্ৰ দিবলৈ অস্বীকাৰ কৰা হৈছিল।

টাইগাৰ ৩ (Tiger 3) (২০২৩): চলমান খানৰ দিৱালীৰ ছবিখন ওমান, কুৱেইট আৰু কাটাৰত নিষিদ্ধ কৰা হৈছিল।

দ্য কাশ্মীৰ ফাইলছ (The Kashmir Files) (২০২২): প্ৰথমে কেইবাখনো গাল্ফ দেশত নিষিদ্ধ কৰা হৈছিল; পিছত UAF য়ে কেৱল প্ৰাপ্তবয়স্কসকলৰ বাবে ৰেটিং দি ইয়াক অনুমতি দিছিল।