ছলমান খানৰ অনুৰাগীৰ আজৱ কাণ্ড। ছলমানৰ ছবি চলি থকাৰ সময়তে চিনেমা হলৰ ভিতৰতে ফটকা ফুটালে ছলমানৰ অনুৰাগীয়ে। ছলমানৰ শেহতীয়া ছবি ‘টাইগাৰ থ্ৰী’ৰ (TIGER 3) মুক্তিৰ দিনাই এই ঘটনা সংঘটিত হয়। মহাৰাষ্ট্ৰৰ মালেগাঁৱৰ এটা চিনেমা হলৰ ভিতৰত ফটকা ফুটোৱাৰ ফলত হাহাকাৰ পৰিস্থিতিৰ সৃষ্টি হয়।
আতংকিত হৈ হলৰ ভিতৰত হুৱাদুৱা লাগে দৰ্শকৰ মাজত। আতংকিত হৈ হলৰ পৰা পলায়ন কৰে দৰ্শকে। দৌৰাদৌৰিৰ ফলত আহত হ’ল কেইবাজনো দৰ্শক।
উল্লেখযোগ্য যে ছলমান খানে প্ৰায়েই তেওঁৰ নতুন চিনেমা দীপাৱলীৰ সময়ত মুক্তি দিয়ে। এইবাৰ দীপাৱলীৰ মাজতে মুক্তি পালে ছলমানৰ ‘টাইগাৰ থ্ৰী’ (TIGER 3) ।
ছলমান খানৰ ফেন ক্লাবে ছলমান খানৰ ছবি মুক্তি পালে প্ৰায়েই এনেদৰে হলৰ ভিতৰতে ফটকা ফুটায়। কিন্তু এইবাৰ ফটকাৰ পৰিমাণ বেছি হোৱাত আতংকিত হৈ দৰ্শকে পলায়ন কৰিবলৈ বাধ্য হয়।
ছলমান খানে চিনেমা হলৰ ভিতৰত এনেদৰে আতচবাজি নকৰিবলৈ অনুৰাগীসকলৰ ছ’চিয়েল মিডিয়াযোগে আহ্বান জনায়। ২০২১ চনতো ছলমানৰ অন্তিম, The Final Truth চিনেমাখনৰ মুক্তিৰ সময়ত হলৰ ভিতৰত ফটকা ফুটোৱাৰ ফলত হাহাকাৰ পৰিস্থিতিৰ সৃষ্টি হৈছিল।
Discussion about this post