যেন কৰ্ম তেনে ফল! ছাগলী চুৰি কৰি পলাইছিল চোৰ; ৰাইজে পহুখেদা দিয়াত দ্ৰুতবেগত চলাইছিল বাহন, কিন্তু নিয়ন্ত্ৰণ হেৰুৱাই পকী খুঁটাত প্ৰচণ্ড জোৰে মাৰে খুন্দা, থিতাতে প্ৰাণ হেৰুৱালে এটা চোৰে, আহত আন ৩টা চোৰ

কথাতে কয় নহয় যি কৰ্ম কৰিবা তাৰে ফল পাবা বুলি! ওদালগুৰি জিলাত (Udalguri) সংঘটিত হৈছে তেনে এক ঘটনা। ওদালগুৰি জিলাৰ হৰিশিঙা আৰক্ষী থানাৰ অন্তৰ্গত আমলাইগুৰিত সংঘটিত হৈছে এই ঘটনা।

ছাগলী চুৰি (Goat Thief) কৰি পলায়ন কৰিবলৈ লওতেই দুৰ্ঘটনাত পতিত হ’ল চোৰৰ বিলাসী বাহন। এই দুৰ্ঘটনাত এটা চোৰ নিহত (One Thief Died) হোৱাৰ লগতে আহত হয় আন ৩টা চোৰ (3 Thief Injured)।

জানিবলৈ দিয়া অনুসৰি এটা ছাগলী চোৰৰ দলে হৰিশিঙাৰ ঘোৰাদাসৰ এঘৰৰ পৰা ছাগলী চুৰি কৰি হোণ্ডাই চেণ্ট্ৰ’ বাহনেৰে পলায়ন কৰিবলৈ লওতেই ৰাইজে দেখি পহুখেদা দিয়ে ছাগলী চোৰৰ দলটোক। তাৰ পিছত ছাগলী চুৰি কৰি নিয়া চোৰৰ দলটোৱে দ্ৰুতবেগত গাড়ী চলাই পলায়ন কৰিবলৈ লওতে বাহনখনে নিয়ন্ত্ৰণ হেৰুৱাই এখন দোকানৰ পকী খুঁটাত প্ৰচণ্ড জোৰে খুন্দা মাৰি সমীপৰ চাহ বাগিচাত বাগৰি পৰে।

দুৰ্ঘটনাটোত এটা চোৰৰ থিতাতে মৃত্যু ঘটাৰ লগতে আন তিনিটা চোৰ গুৰুতৰভাৱে আহত হয়। পিছত স্থানীয় ৰাইজে আহত চোৰ কেইটাক উদ্ধাৰ কৰি ততাতৈয়াকৈ ওদালগুৰি অসামৰিক চিকিৎসালয়লৈ (Udalguri Civil Hospital) প্ৰেৰণ কৰে। পৰৱৰ্তী সময়ত ঘটনাস্থলীত আৰক্ষীৰ দল উপস্থিত হৈ মৃত চোৰটোৰ মৃতদেহ উদ্ধাৰ কৰি তদন্ত আৰম্ভ কৰে।

Photo: News8 Northeast

আৰু পঢ়কঃ https://khatangkhobor.com/news/assam/cm-himanta-biswa-sarma-reaction-on-victor-das-arrest-case/11671/