সিন্ধি খান্দি চোৰে লুটি লৈ গ’ল প্ৰায় ২ লাখ টকাৰ কাপোৰ আৰু চেণ্ডেল; একেখন বজাৰতে বৰ্তমানলৈ ৪ বাৰকৈ চোৰে কৰিছিল চুৰি

বৰপেটাৰ (Barpeta) মহন বজাৰত চুৰিকাণ্ড। নিশা সিন্ধি খান্দি চোৰে লুটি নিলে লক্ষাধিক টকাৰ কাপোৰ আৰু চেণ্ডেল (Thieves Loot Clothes, Sandales)। বৰপেটা জিলাৰ (Barpeta District) সৰুক্ষেত্ৰী (Sarukhetri) সমষ্টিৰ অন্তৰ্গত মহন বজাৰত শুকুৰবাৰে নিশা সংঘটিত হয় এই চুৰিকাণ্ডৰ ঘটনা। মহন বজাৰৰ হবিবৰ ৰহমানৰ চেণ্ডেল আৰু জাকিৰ হুছেইনৰ কাপোৰৰ দোকানত সংঘটিত হয় এই চুৰিকাণ্ড। নিশা সিন্ধি খান্দি দোকানত প্ৰৱেশ কৰি চোৰে লুটি নিয়ে লক্ষাধিক টকাৰ কাপোৰ আৰু চেণ্ডেল।

মহন বজাৰত সঘনাই চুৰিকাণ্ড সংঘটিত হয় বুলি জানিবলৈ দিয়ে স্থানীয় ৰাইজে। সঘনাই সংঘটিত হৈ অহা চুৰিকাণ্ড ৰোধ কৰিবলৈ আৰক্ষী প্ৰশাসনৰ ওচৰত দাবী জনাইছে ৰাইজে।

Photo & Input: ৰবিউল ইছলাম

আৰু পঢ়কঃ https://khatangkhobor.com/news/assam/horrific-incident-son-kill-father-at-rangia-in-assam/8392/