চুৰি কৰিবলৈ আহি বিস্কুট আৰু পানী খাই দোকান তহিলং কৰিলে এটা গভাইত চোৰে (Thief)। কলিয়াবৰৰ (Kaliabar) কুঠৰীৰ নজানৰ এখন দোকানত নিশা সোমাল চোৰ (Thief)। দোকানৰ দামী সামগ্ৰী বেগত ভৰাই চোৰে চলালে চাফাই অভিযান।
মোবাইল ফোন, দোকানৰ কেচবস্কৰ পৰা ১০হাজাৰ টকা লগতে অনান্য সামগ্ৰী চুৰি কৰিলে এটা গভাইত চোৰে। চিচিটিভিত (CCTV) বন্দী চোৰৰ চুৰি কৰাৰ সমগ্ৰ দৃশ্য।
ঘটনাটো সংঘটিত হৈছে কলিয়াবৰ মহকুমাৰ অন্তৰ্গত বাগৰি আৰক্ষী চকীৰ নিচেই কাষতে থকা এখন দোকানত। পুৱা দোকানৰ গৰাকী ফজল আলীয়ে দোকান খুলিব আহি দোকানৰ সামগ্ৰী লণ্ডভণ্ড হৈ থকা দেখা পায় । লগে লগে খবৰ দিয়ে বাগৰি আৰক্ষীক।
বাগৰি আৰক্ষী (Bagori Police) ঘটনাস্থলীত উপস্থিত হৈ ঘটনা বুজ লোৱাৰ লগতে চিচিটিভিৰ ফুটেজৰ ভিত্তিত চোৰৰ বিৰুদ্ধে চলাই অভিযান।
উল্লেখ্য ইয়াৰ পূৰ্বেও তিনিবাৰকৈ এই দোকানখনত চুৰি কাৰ্য সংঘটিত হৈছিল ।
Photo & Input: ৰাজ হাজৰিকা
Discussion about this post