চাঞ্চল্যকৰ! চিভিল ইঞ্জিনিয়াৰিঙৰ ছাত্ৰই বাচি ল’লে আত্মহত্যাৰ দৰে চৰম পথ; কিন্তু কি কাৰণত আত্মহত্যা কৰিলে জানিবলৈ পৰা হোৱা নাই

তেজপুৰ বিশ্ববিদ্যালয়ত (Tezpur University) ৰহস্যজনক অৱস্থাত এজন ছাত্ৰৰ মৃতদেহ উদ্ধাৰ (Deadbody Recover)। তেজপুৰ বিশ্ববিদ্যালয়ৰ পাটকাই ছাত্ৰাৱাসৰ (Patkai Mens Hostel) ২৪৪ নম্বৰ কোঠাত উদ্ধাৰ হয় ছাত্ৰজনৰ মৃতদেহ (Student Deadbody Recover)। বিশ্ববিদ্যালয়খনৰ আন ছাত্ৰই জানিবলৈ দিয়া অনুসৰি ফেনত ফাঁচী লগাই আত্মহত্যা (Suicide Case) কৰিছে।

তেজপুৰ বিশ্ববিদ্যালয়ৰ চিভিল ইঞ্জিনিয়াৰিঙৰ B.Techত অধ্যয়নৰত আছিল মৃত ছাত্ৰজন। মৃত ছাত্ৰজন ডিব্ৰুগড়ৰ চাবুৱাৰ আদিত্য তাঁতী বুলি জানিব দিয়ে তেজপুৰ ৰাজহ চক্ৰৰ চক্ৰ বিষয়া পংকজ বৰাই। কিন্তু ছাত্ৰজনে কি কাৰণত আত্মহত্যা কৰিলে সেয়া এতিয়ালৈ জানিবলৈ পৰা হোৱা নাই। ইতিমধ্যে মৃতদেহ মৰণোত্তৰ পৰীক্ষাৰ বাবে কনকলতা অসামৰিক চিকিৎসালয়ত প্ৰেৰণ কৰা হৈছে।

ঘটনাস্থলীত আৰক্ষী উপস্থিত হৈ তদন্ত অব্যাহত ৰাখিছে।

Photo: ছাইদুল ইছলাম

আৰু পঢ়কঃ https://khatangkhobor.com/%e0%a6%95%e0%a7%8d%e0%a7%b0%e0%a6%be%e0%a6%87%e0%a6%ae/15-years-old-student-commited-suicide-for-mobile-at-bongaigaon-in-assam/11874/