ফলোৱাৰ বঢ়াবলৈ লুঙী, শাড়ী পিন্ধা লোকৰ অশ্লীল ভিডিঅ’ আৰু ফটো কৰে আপলোড; নিৰ্লজ্জ শিক্ষক ফকৰুল ইছলামৰ জঘন্য কাণ্ড

হোজাইৰ (Hojai) ডবকাত (Dabaka) ৰাইজৰ ৰোষত শিক্ষক ব্লেকমেইলাৰ ৷ শিক্ষক সমাজত লজ্জানত কৰিলে এইজন শিক্ষকৰ ৰূপত ব্লেকমেইলাৰে ৷ নিজৰ ছচিয়েল হেণ্ডেলত ফলোৱাৰৰ (Followers) সংখ্যা বৃদ্ধি কৰিবলৈ কিছু বিকৃত মানসিকতাৰ লোকে বিভিন্ন ধৰণৰ অশ্লীল মন্তব্য অথবা যৌনতাৰ ফটো অথবা ভিডিঅ’ আপলোড কৰি নিজৰ ফলোৱাৰ বৃদ্ধি কৰিবলৈ চেষ্টা চলায় ৷ এনে এক ঘটনা সংঘটিত হৈছে হোজাইৰ ডবকাত ৷

ডবকাত (Dabaka) এজন শিক্ষকৰ জঘন্য কাণ্ড ৷ লুঙী, শাড়ী আদি পিন্ধা লোকসকলৰ গোপন কেমেৰাত অশ্লীল ফটো বা ভিডিঅ’ (Indecent Photo Or Video)বন্দী কৰি সামাজিক মাধ্যমত ভাইৰেল কৰে। বৰ্তমান আৰক্ষীৰ জালত পৰিছে এই নিকৃষ্ট মানসিকতাৰ লোকজন।

Watch Video-

ডবকা (Dabaka) নগৰৰ ১নং ৱাৰ্ডৰ বাসিন্দা, শিক্ষিত যুৱক তথা এখন ব্যাক্তিগত বিদ্যালয়ৰ শিক্ষক ফকৰুল ইছলানৰ কৰ্মকাণ্ডত সকলো হতবাক হৈ পৰিছে ৷ Instagram, টুইটাৰত World old lover নামৰ কেইবাটাও একাউণ্ট খুলি ভাইৰেল কৰিছে অশ্লীল ফটো–ভিডিঅ’। গাঁৱৰ জ্যেষ্ঠ লোক, মহিলা, যুৱক–যুৱতী, স্কুলীয়া ছাত্ৰ–ছাত্ৰী, আনকি মছজিদৰ ইমামলৈকে সাৰি নাযায় লোকজনৰ পৰা। গোপনে আপত্তিজনক ফটো বা ভিডিঅ’ সংগ্ৰহ কৰি আপলোড কৰে ছচিয়েল মিডিয়াত।

মহিলাৰ বিকৃপ্ত ৰুপত অশ্লীল ভিডিঅ’ বনাই সামাজিক মাধ্যমত দেহ ব্যৱসায়ৰ বিজ্ঞাপনৰ প্ৰচাৰ চলাইছিল এইজন প্ৰৱঞ্চক ৰুপী শিক্ষক ফকৰুল ইছলামে ৷

দেওবাৰে এগৰাকী মহিলাৰ অশ্লীল ভিডিঅ’ বনাই সামাজিক মাধ্যমত আপলোড কৰাৰ সময়ত ৰাইজে হাত লোটে ধৰি উত্তম মাধ্যম শোধাই আৰক্ষীক চমজাই দিয়ে ৷

স্থানীয় ৰাইজৰ অভিযোগ বিগত বহু দিনৰ পৰা সামাজিক মাধ্যমত অশ্লীল ভিডিঅ’ বনাই ভাইৰেল কৰি ব্লেক মেইলিং কৰিছিল এইজন প্ৰৱঞ্চক ৰূপী শিক্ষক ফকৰুল ইছলামে ৷

Photo & Input: Khatang Khobor

আৰু পঢ়কঃ https://khatangkhobor.com/news/assam/3-youth-detain-when-they-going-to-join-ulfa-i/4576/