গৰ্ভৱতী মহিলাৰ সৈতে চিকিৎসকৰ নিকৃষ্ট কাণ্ড !

স্বাস্থ্য পৰীক্ষা কৰিবলৈ অহা গৰ্ভৱতী মহিলাৰ লগত কৰিলে লজ্জাজনক ঘটনা ৷
এই নিকৃষ্ট ঘটনা সংঘটিত হয় নগাঁও জিলাৰ কচুৱ থানাৰ অন্তুৰ্গত শিমলুগুৰিত।

প্ৰাপ্ত খবৰ অনুসৰি এগৰাকী চাৰিমহীয়া গৰ্ভৱতী মহিলাক আতিশয্য চলোৱাৰ অভিযোগ উদ্থাপন কৰে স্বয়ং গৰ্ভৱতী মহিলা গৰাকীয়ে ৷

মঙলবাৰে গৰ্ভৱতী মহিলা এগৰাকীয়ে বাৰপুজীয়া খণ্ড প্ৰাথমিক চিকিৎসালয়ৰ অন্তুৰ্গত জুকুটা সামূহিক স্বাস্থ্য আৰু কল্যান কেন্দ্ৰত স্বাস্থ্য পৰীক্ষা কৰিবলৈ আহিছিল।

স্বাস্থ্য কেন্দ্ৰটোত এগৰাকী কৰ্তব্যৰত নাৰ্ছ থকাৰ পাছতো স্বাস্থ্য বিষয়া ডা: প্ৰশান্ত দাসে গৰ্ভৱতী মহিলাগৰাকী সুকীয়া কোঠালীলৈ নি আতিশয্য চলাই বুলি গুৰুত্বৰ অভিযোগ কৰে নিৰ্যাতিতা মহিলা গৰাকীয়ে ৷

মহিলা গৰাকীয়ে নগাঁৱৰ কচুৱা থানাত এক গোচৰ তৰে। বিগত দুটা দিন ধৰি কচুৱা থানাই ঘটনাটোৰ তদন্ত ক্ষীপতাৰে কৰি অৱশেষত লম্পট চিকিৎসক জনক নগাঁওৰ ৰহাৰ পৰা গ্ৰেপ্তাৰ কৰে ৷