বৃহস্পতিবাৰে লখিমপুৰ জিলাৰ বগীনদীৰ কুলাবালিত এটা ডকাইতক কৰায়ত্ত কৰাৰ পিছত পলাবলৈ চেষ্টা কৰোতেই আৰক্ষীয়ে গুলিয়াই আঘাতপ্ৰাপ্ত কৰে।
উল্লেখযোগ্য যে বগীনদীৰ শিঙিদলনী গাঁৱৰ কুখ্যাত অপৰাধী আজাহাৰ আলীক ঢকুৱাখনা মহকুমাৰ আৰক্ষী বিষয়া সৌমাৰজ্যোতি ভূঞাৰ নেতৃত্বত বগীনদী থানাৰ আৰক্ষীৰ এটা দলে ডকাইতি গোচৰত আটক কৰি লগত লৈ অনুসন্ধান কৰি থকা সময়ত পলাবলৈ চেষ্টা কৰোতে আৰক্ষীয়ে গুলীচালনা কৰে।
অপৰাধী আজাহাৰ আলীৰ ভৰিত ৩টাকৈ গুলী লাগে। বৰ্তমান অপৰাধীটোক উন্নত চিকিৎসাৰ বাবে লখিমপুৰ অসামৰিক চিকিৎসালয়লৈ প্ৰেৰণ কৰে।
ডকাইতি আৰু ATM লুটৰ বিভিন্ন অপৰাধত জড়িত থকাৰ অভিযোগ আছে আজাহাৰ আলীৰ বিৰুদ্ধে।
Photo & Input: অসীম ৰঞ্জন ভূঞা
Discussion about this post