অমানুষিক! প্ৰথমে কাটিলে ডিঙি; তাৰ পিছত মহিলাৰ ভৰি কাটি লৈ গ’ল ৰূপৰ পায়েল

ৰাজস্থানৰ (Rajasthan) ৰাজধানী জয়পুৰৰ পৰা আজি এক আচৰিত ঘটনা পোহৰলৈ আহিছে। জয়পুৰৰ খাতেপুৰাত এগৰাকী মহিলাক অচিনাক্ত আক্ৰমণকাৰীয়ে হত্যা (Murder) কৰে। ঘটনাটোৰ পিছতে অঞ্চলটোত চাঞ্চল্যৰ সৃষ্টি হয়। ইফালে, মহিলাগৰাকীৰ হত্যাৰ পিছত গাওঁবাসীয়ে ধৰ্ণাত বহি মৃতদেহটো সৎকাৰ কৰিবলৈ অস্বীকাৰ কৰে। সমগ্ৰ বিষয়টো কি জানি লও আহক।

৩০টা দলে তালাচী চলাই আছে আক্ৰমণকাৰীৰ
জয়পুৰ গ্ৰাম্য এছ পি শংকৰ দত্ত শৰ্মাই কৈছিল যে মহিলাগৰাকীক অচিনাক্ত আক্ৰমণকাৰীয়ে আক্ৰমণ (Attack) কৰিছিল যেতিয়া তেওঁ ম’হ চৰাবলৈ গৈছিল। আৰক্ষীয়ে কৈছিল যে আক্ৰমণকাৰীসকলে মহিলাগৰাকীৰ ভৰি কাটি তাইৰ ৰূপৰ পায়েলো চুৰি কৰি লৈ গৈছিল। আৰক্ষীয়ে প্ৰাৰম্ভিক তদন্তত এই ঘটনা ডকাইতিৰ বুলি কৈছে। ৩০টা আৰক্ষী দল আক্ৰমণকাৰীৰ সন্ধানত আছে।

আৰু পঢ়কঃ https://khatangkhobor.com/miscellaneous/female-thai-boxer-puts-passenger-in-a-choke-hold-after-he-sexually-harassed/3961/

লগতে কওঁ যে ক্ষুব্ধ গাওঁবাসীয়ে অভিযুক্তজনক তাৎক্ষণিকভাৱে গ্ৰেপ্তাৰ, ক্ষতিপূৰণ আৰু পৰিয়ালৰ সদস্যক চৰকাৰী চাকৰি দিয়াৰ দাবী জনাইছে। গীতা দেৱী নামৰ এইগৰাকী মহিলাৰ বয়স আছিল ৫৫ বছৰ। গাওঁবাসীয়ে মৃতদেহটো তাৰ পৰা আঁতৰাবলৈ দিয়া নাই। প্ৰশাসনে কোৱা অনুসৰি আমি গাওঁবাসী আৰু পৰিয়ালৰ সদস্যসকলক সৈমান কৰিবলৈ চেষ্টা কৰি আছো।

ৰাজস্থান মহিলাৰ অপৰাধৰ শীৰ্ষত আছে- বিজেপি
ইফালে, বিজেপিৰ ৰাজ্যসভাৰ সদস্য কিৰোড়ীলাল মীনাই এই বিষয়টোক লৈ কংগ্ৰেছ চৰকাৰক লক্ষ্য কৰি লৈছে। কংগ্ৰেছৰ সাধাৰণ সম্পাদক প্ৰিয়ংকা গান্ধীক সম্বোধন কৰি তেওঁ টুইট কৰে, “আপোনাক মহিলাসকল উত্তৰ প্ৰদেশতহে অসুৰক্ষিত লাগে। লজ্জাজনক কথাটো হ’ল যে ৰাজস্থান সমগ্ৰ দেশতে মহিলাৰ অপৰাধৰ শীৰ্ষত আছে।

प्रियंका गांधी जी आपको महिलाएं यूपी में ही असुरक्षित लग रही हैं। शर्मनाक तथ्य यह है कि देशभर में महिला अपराध में राजस्थान अव्वल है। प्रदेश के मुखिया महिला सुरक्षा को नजरंदाज कर केवल आपके यशोगान में व्यस्त है।
प्रकाशित खबर…@PMOIndia @AmitShah @blsanthosh pic.twitter.com/0bVOmWZqDl

— Dr.Kirodi Lal Meena (Modi Ka Parivar) (@DrKirodilalBJP) October 20, 2021

আনহাতে, বিজেপি নেতা তথা প্ৰাক্তন কেন্দ্ৰীয় মন্ত্ৰী ৰাজয়াবৰ্ধন সিং ৰাঠৌৰে কয় যে ৰাজস্থানত এনে ঘটনা সাধাৰণ হৈ পৰিছে আৰু ইয়াক লুকুৱাই ৰখা হয় যাতে এয়া সংবাদ মাধ্যমত প্ৰকাশ নহয়। অপৰাধীসকলৰ মনোবল ইমানেই বৃদ্ধি পাইছে যে আৰক্ষীৰ প্ৰতি কোনো ভয় নাই। তেওঁলোকক কেৱল মন্ত্ৰীসকলৰ সুৰক্ষাৰ বাবে নিয়োজিত কৰা হয়। কংগ্ৰেছ চৰকাৰে নিজকে সুৰক্ষিত কৰিবলৈ চেষ্টা কৰি আছে।

Photo: ABP News

আৰু পঢ়কঃ https://khatangkhobor.com/%e0%a6%95%e0%a7%8d%e0%a7%b0%e0%a6%be%e0%a6%87%e0%a6%ae/again-encounter-in-assam-drugs-mafia-arrest-by-nagaon-police/3981/