নগাঁও চহৰৰ হয়বৰগাঁৱত কলং নৈৰ ওপৰত থকা আনন্দৰাম ঢেকিয়াল ফুকন দলঙৰ পৰা মঙলবাৰে পুৱা প্ৰায় ৮ বজাত এগৰাকী ১৫ বছৰীয়া কিশোৰে পানীত জঁপিয়াই আত্মহত্যা কৰা ঘটনাই চাঞ্চল্যৰ সৃষ্টি কৰিছে।
আত্মহত্যা কৰা যুৱকজন নগাঁও চহৰৰ তেলীয়াপট্টিৰ ৰনি সিং বুলি জানিব পৰা গৈছে। একাংশ লোকে কিশোৰজনে দলঙৰ পৰা পানীত জাঁপ দিয়া কাৰ্য প্ৰত্যক্ষ কৰি নগাঁও আৰক্ষীক খবৰ দিয়ে। পিছত নগাঁও আৰক্ষীৰ এটা দল ঘটনাস্থলীত উপস্থিত হৈ SDRFৰ সহযোগত কিশোৰজনক উদ্ধাৰৰ বাবে অভিযান অব্যাহত ৰাখিছে যদিও বৰ্তমানলৈকে যুৱকজনক উদ্ধাৰ কৰিবলৈ সক্ষম হোৱা নাই।
কি কাৰণত কিশোৰজনে আত্মহত্যাৰ দৰে চৰম পথ বাছি ল’লে সেই কথা জানিব পৰা হোৱা নাই যদিও পৰিয়ালৰ লোকে কিশোৰজন আজি নিচেই পুৱাই ঘৰৰ পৰা সন্ধানহীন হৈছিল জানিবলৈ দিয়ে।
একাংশ ৰাইজে অভিযোগ কৰা অনুসৰি দলংখনত কোনোধৰণৰ ৰেলিং নথকাৰ বাবেই পূৰ্বেও এনেদৰে আত্মহত্যাৰ ঘটনা সংঘটিত হৈছে। এই ক্ষেত্ৰত ব্যৱস্থা গ্ৰহণ কৰিবলৈ সচেতন মহলে নগাঁও জিলা প্ৰশাসনক দাবী জনাইছে।
Photo & Input: ৱাহিদুদ জামান
Discussion about this post