তামোল খোৱাৰ চলেৰে ঘৰত প্ৰৱেশ; ১২ বছৰীয়া কিশোৰীক ৬৫ বছৰীয়া চাইফতে চলাই যৌন নিৰ্যাতন

মানৱ সমাজক লজ্জানত কৰা আন এক জঘন্য ঘটনা পোহৰলৈ আহিছে তীৰ্থনগৰী হাজোত। হাজোৰ কোঁৱৰপুৰ বালাত সংঘটিত হৈছে এই ঘটনাটো। ৬৫ বছৰীয়া এজন লোকৰ কামনাৰ বলি হৈছে এগৰাকী ১২ বছৰীয়া কিশোৰী।

ঘৰত কোনো নথকাৰ সুযোগ লৈ কিশোৰীগৰাকীক কোঁৱৰপুৰ বালা অঞ্চলৰে চাইফত আলী নামৰ লোকজনে যৌন নিৰ্যাতন(Sexual Harassment) চলোৱাৰ অভিযোগ উত্থাপিত হৈছে। কিন্তু প্ৰকৃততে ঘটনাটো হৈছিলনো কি ?

কিশোৰীগৰাকীৰ ঘৰত কোনো নথকাৰ সুযোগ বুজি চাইফত আলী নামৰ পাষণ্ডটো উপস্থিত হৈছিল কিশোৰীগৰাকীৰ ঘৰত। আৰু তাৰ পিছতে তামোল খোৱাৰ চলেৰে ঘৰত ভিতৰত প্ৰৱেশ কৰি কিশোৰীগৰাকীক ৬৫ বছৰীয়া এইটো লম্পটে ধৰ্ষণ কৰাৰ অভিযোগ উত্থাপন কৰিছে কিশোৰীগৰাকীৰ পৰিয়ালৰ লোকে।

এই ঘটনা সংঘটিত কৰাৰ পিছতেই, ঘৰত কিশোৰীগৰাকীৰ মাতৃ উপস্থিত হৈ অভিযুক্ত চাইফত আলীক কৰায়ত্ত কৰিব ওলোৱাৰ সময়তেই চেগ বুজি পলায়ন কৰে লম্পট চাইফতে।

ঘটনা সন্দৰ্ভত কিশোৰীগৰাকীৰ পৰিয়ালৰ লোকে হাজো আৰক্ষী থানাত এজাহাৰ দাখিল কৰাৰ পিছতে শুকুৰবাৰে নিশা অভিযুক্ত চাইফত আলীক আটক কৰিবলৈ সক্ষম হৈছে আৰক্ষীয়ে। এই ঘটনা সন্দৰ্ভত ইতিমধ্যে হাজো আৰক্ষীয়ে সোধা-পোছা অব্যাহত ৰাখিছে চাইফতক।

Photo & Input: বিকি মেধি