চাঞ্চল্যকৰ ঘটনা! হাতত পিষ্টল লৈ গুৱাহাটীত মানুহক ভাবুকি প্ৰদান কৰা ৰিক্সাৱালাক গ্ৰেপ্তাৰ; লগতে আৰক্ষীয়ে ৫ জাঁই সজীৱ গুলীসহ পিষ্টলটোও কৰে জব্দ

হাতত পিষ্টল লৈ মহানগৰীত (Guwahati) মানুহক ভাবুকি (Threatning) প্ৰদান কৰা এজন ৰিক্সাচালকক (Rickshaw Driver Arrest) গ্ৰেপ্তাৰ কৰিছে পল্টনবজাৰ আৰক্ষীয়ে (Paltan Bazar Police)। আৰক্ষীয়ে জানিবলৈ দিয়া অনুসৰি, অজয় কুমাৰ প্ৰসাদ নামৰ ৰিক্সাচালকজনে পিষ্টল দেখুৱাই পল্টনবজাৰত দেওবাৰে নিশা ভাবুকি প্ৰদান কৰিছিল বহু লোকক।

এই বিষয়ে খবৰ লাভ কৰাৰ পিছতে ঘটনাস্থলীত আৰক্ষীৰ দল উপস্থিত হৈ অভিযুক্ত ৰিক্সাচালক জনক গ্ৰেপ্তাৰ কৰাৰ লগতে ৫ জাঁই সজীৱ গুলীসহ পিষ্টলটো জব্দ কৰিছিল (Pistol Seized)।

জানিব পৰা অনুসৰি, ধৃত ৰিক্সাচালক অজয় কুমাৰ প্ৰসাদৰ ঘৰ বিহাৰত (Bihar)। অসমত ৰিক্সাচালক হিচাপে কৰ্মৰত অজয়ে লকডাউনৰ সময়ত বিহাৰলৈ উভতি গৈছিল যদিও কিছুদিন পূৰ্বে পুনৰ অসমলৈ আহি গুৱাহাটীত ৰিক্সা চলাবলৈ আৰম্ভ কৰে। ইতিমধ্যে আৰক্ষীয়ে অভিযুক্তজনৰ পৰা গ্ৰেপ্তাৰ কৰা পিষ্টলটো ফৰেনচিকলৈ প্ৰেৰণ কৰিছে। লগতে অজয় কুমাৰ প্ৰসাদৰ বিৰুদ্ধে আৰু কিবা গোচৰ ৰুজু হৈ আছে নে সেই সন্দৰ্ভতো বিহাৰ আৰক্ষীৰ সৈতে যোগাযোগ ৰাখিছে।

Photo: Time8

আৰু পঢ়কঃ https://khatangkhobor.com/news/national/jodhpur-doctor-tied-street-dog-car-ran-fir-registered-video-viral/11852/