মধুৰিআমৰ গুণাগুণৰ বিষয়ে আপুনি জানেনে?

ফল আমাৰ শৰীৰৰ বাবে অতি পুষ্টিকাৰক। সতেজ আৰু শুকান ফলসমূহ সুস্বাস্থ্যৰ বাবে অতি উপকাৰী। বিভিন্ন ধৰণৰ পুষ্টিৰে সমৃদ্ধ এনে এবিধ উৎকৃষ্ট ফল হৈছে মধুৰিআম।মধুৰিআম হৈছে এবিধ পুষ্টিকৰ তথা স্বাস্থ্যকৰ ফল। মধুৰিআমৰ লগতে ইয়াৰ পাতবোৰো বিশেষ স্বাস্থ্য উপকাৰিতাৰে সমৃদ্ধ।এই ফলবিধক ইংৰাজীত ‘Guava’ আৰু হিন্দীত ‘Amrud’ বুলি কোৱা হয়। ইয়াৰ বৈজ্ঞানিক নাম ‘Psidium Guajava’। মধুৰিআমৰ উৎপত্তি মধ্য আমেৰিকাত হৈছিল বুলি বিশ্বাস কৰা হয় য’ত ইয়াক বৈকল্পিকভাৱে ‘বালিৰ প্লাম’ বুলি জনা যায়। মধুৰিআমত ভিটামিন, খনিজ পদাৰ্থ, এণ্টি অক্সিডেণ্টে থকাৰ উপৰিও ই আঁহ জাতীয় গুণেৰে ভৰপূৰ।

আজি জানো আহক মধুৰিআমৰ বিভিন্ন গুণাগুণ-

১) ৰোগ প্ৰতিৰোধ ক্ষমতা বৰ্ধক

ভিটামিন-চি আটাইতকৈ বেছিকৈ থকা ফলটোয়েই হৈছে মধুৰিআম।মধুৰিআমত কমলাতকৈও চাৰি গুণ বেছি ভিটামিন-চি আছে।ভিটামিন-চিয়ে ৰোগ প্ৰতিৰোধ ক্ষমতা উন্নত কৰাত সহায় কৰে আৰু সাধাৰণ সংক্ৰমণ আৰু বীজাণুৰ পৰা দেহটোক সুৰক্ষিত কৰে। তদুপৰি, ভিটামিন চিয়ে চকুক স্বাস্থ্যৱান কৰি ৰাখে।

২) কৰ্কট ৰোগৰ আশংকা হ্ৰাস কৰে

মধুৰিআমত থকা লাইকোপেন, কুৱেৰচেটিন, ভিটামিন চি আৰু অন্যান্য পলিফেনলে শক্তিশালী এণ্টিঅক্সিডেণ্ট হিচাপে কাম কৰে যি শৰীৰত উৎপন্ন হোৱা মুক্ত ৰেডিকেলবোৰ নিষ্ক্ৰিয় কৰে আৰু কৰ্কট কোষৰ বিকাশ প্ৰতিহত কৰে। মধুৰিআম ফলপ্ৰষ্টেট কৰ্কট ৰোগৰ বিপদাশংকা হ্ৰাস কৰাত ব্যাপকভাৱে সফল হোৱা দেখা গৈছে আৰু লগতে স্তন কৰ্কট কোষৰ বিকাশো ই ৰোধ কৰে।

৩) ডায়েবেটিচৰ বাবে অনুকূল

মধুৰিআমত থকা আঁহৰ পৰিমাণ আৰু নিম্ন গ্লাইকেমিক সূচকৰ বাবে মধুমেহৰ বিকাশ প্ৰতিহত কৰাত ই যথেষ্ট সহায়ক হৈ পৰে।নিম্ন গ্লাইচেমিক সূচকে শৰ্কৰাৰ স্তৰ হঠাতে বৃদ্ধি হোৱাত বাধা দিয়ে আৰু আঁহৰ পৰিমাণে শৰ্কৰাৰ স্তৰ নিয়ন্ত্ৰিত কৰে।

৪) হৃদযন্ত্ৰৰ বাবে স্বাস্থ্যকৰ

এই বিধ ফলে শৰীৰৰ ছডিয়াম আৰু পটাছিয়ামৰ ভাৰসাম্য উন্নত কৰাত সহায় কৰে, যাৰ ফলত উচ্চ ৰক্তচাপ থকা ৰোগীৰ ৰক্তচাপ নিয়ন্ত্ৰিত হৈ থাকে।মধুৰিআমে ট্ৰাইগ্লিচাৰাইড আৰু বেয়া কলেষ্টেৰলৰ (এলডিএল) স্তৰ হ্ৰাস কৰাত সহায় কৰে, যিয়ে হৃদৰোগৰ বিকাশত অৰিহণা যোগাব পাৰে। এইবিধ ফলে কলেষ্টৰেলৰ (এইচডিএল) স্তৰ উন্নত কৰে।

৫) কোষ্ঠকাঠিন্যৰ চিকিৎসা কৰে

মধুৰিআমত আন ফলৰ তুলনাত আঁহৰ পৰিমাণ অতি বেছিকৈ থাকে।এটা মধুৰিআমে দৈনিক লাগতিয়াল আঁহ গ্ৰহণৰ প্ৰায় ১২ শতাংশ পূৰণ কৰে, যি পাচন স্বাস্থ্যৰ বাবে অত্যন্ত উপকাৰী।

৬) দৃষ্টিশক্তি উন্নত কৰে

ভিটামিন-এৰ উপস্থিতিৰ বাবে মধুৰিআম চকুৰ স্বাস্থ্যৰ বাবে এক বুষ্টাৰ হিচাপে কাম কৰে। ই দৃষ্টিশক্তি যথেষ্ট পৰিমাণে উন্নত কৰিব পাৰে।

৭) গৰ্ভধাৰণৰ সময়ত মধুৰিআম

মধুৰিআমত ফলিক এচিড বা ভিটামিন বি-৯ থাকে, যাৰ বাবে গৰ্ভৱতী মহিলাই মধুৰিআম খোৱাটো অত্যন্ত দৰকাৰী। ই গৰ্ভত থকা কেঁচুৱাটোৰ স্নায়ুতন্ত্ৰ বিকাশত সহায় কৰে আৰু নৱজাতকক স্নায়বিক বিকাৰৰ পৰা সুৰক্ষিত কৰিব পাৰে।

৮) দাঁতৰ বিষ কমায়

মধুৰিআম পাতৰ এক শক্তিশালী এণ্টিবেক্টেৰিয়েল ক্ষমতা আছে যি সংক্ৰমণৰ বিৰুদ্ধে যুঁজ দিয়ে আৰু বীজাণু ধ্বংস কৰে। সেয়েহে, মধুৰিআম পাতৰ ৰস সেৱন দাঁতৰ বিষৰ বাবে এক চমৎকাৰী ঘৰুৱা প্ৰতিকাৰ হিচাপে কাম কৰে। মধুৰিআম পাতৰ ৰসে দাঁতৰ বিষ, আলু ফুলা আৰু মুখৰ আলচাৰ নিৰাময় কৰে।

৯) ষ্ট্ৰেচ বাষ্টাৰ

মধুৰিআমত থকা মেগনেছিয়ামে শৰীৰৰ পেশী আৰু স্নায়ু শিথিল কৰাত সহায় কৰে।কঠোৰ ব্যায়ামৰ অন্তত সেয়ে মধুৰিয়াম খোৱাটো ভাল বুলি গণ্য কৰা হয়।মগজুক চাপৰ সৈতে যুঁজাৰ শক্তিও প্ৰদান কৰে মধুৰিআমে।

১০) মগজুৰ বাবে ভাল

মধুৰিআমত ভিটামিন-বি৩ আৰু ভিটামিন-বি৬ থাকে, যাক ক্ৰমে নিয়াচিন আৰু পাইৰিডক্সিন বুলিও কোৱা হয়।যিয়ে মগজুলৈ ৰক্ত সঞ্চালন উন্নত কৰা তথা স্নায়ুবোৰ শিথিল কৰাত সহায় কৰে।

১১) ওজন হ্ৰাস

প্ৰ’টিন, ভিটামিন আৰু আঁহ গ্ৰহণৰ সৈতে আপোচ নকৰাকৈ মধুৰীআমে দেহটোক নিয়ন্ত্ৰণ কৰি ওজন হ্ৰাস কৰাত সহায় কৰে।মধুৰিআমে ভোক অতি সহজে পূৰণ কৰিব পাৰে। আপেল, কমলা, আঙুৰ আৰু অন্যান্য ফলৰ তুলনাত মধুৰিআম, বিশেষকৈ কেঁচা মধুৰিআমত যথেষ্ট কম চেনী থাকে।

১২) কাহ-চৰ্দিত উপকাৰী

আন ফলৰ তুলনাত মধুৰিআমত সৰ্বাধিক পৰিমাণৰ ভিটামিন-চি আৰু লো থাকে। ভিটামিন-চি আৰু লোয়ে চৰ্দি আৰু ভাইৰেল সংক্ৰমণৰ প্ৰতিৰোধ হিচাপে কাম কৰে। কেঁচা মধুৰিআম বা মধুৰিআম পাতে কাহ আৰু চৰ্দি উপশম কৰি শ্বাসনলী, ডিঙি আৰু হাঁওফাঁও বীজাণুমুক্ত কৰে।

১৩) বয়সৰ চাপ পৰা ৰোধ কৰে

মধুৰিআমত ভিটামিন-এ, ভিটামিন-চি আৰু কেৰোটিন আৰু লাইকোপেনৰ দৰে এণ্টিঅক্সিডেণ্ট থাকে যি ছালখনক কোঁচ খোৱাৰ পৰা সুৰক্ষিত কৰে।দিনত এটাকৈ মধুৰিআম খায় মূখত ৰেখা পৰাৰ সমস্যা দূৰ হৈ থাকিব পাৰি।

১৪) দেহৰ বৰণ উন্নত কৰাত সহায়ক

মধুৰিআমে ছালৰ উজ্জ্বলতা আৰু সতেজতা ঘূৰাই পোৱাত সহায় কৰে। মধুৰিআম হৈছে ভিটামিন কে-ৰ এক উৎকৃষ্ট উৎস, যি ছালৰ ৰং, ডাঠ বৃত্ত, ৰঙা পৰা আৰু শালমইনাৰ জ্বলা-পোৰাৰ পৰা পৰিত্ৰাণ পোৱাত সহায় কৰে।

১৫) পেশী টান কৰাত সহায়ক

ছালৰ ৰং উজ্জল কৰাৰ লগতে মধুৰিআমে মুখমণ্ডলৰ পেশীবোৰো টান কৰাত সহায় কৰে।