প্ৰথম পত্নীক খেদিলে; দ্বিতীয় পত্নীকো খেদিলে, তৃতীয় গৰাকীক পলুৱাই আনি ৰঙা ঘৰত তপন হীৰা

হাজোৰ বৰপূল্লাত বিবাহিত যুৱকৰ দ্বাৰা প্ৰেমৰ চালনাৰে নাবালিকা অপহৰণ ৷ পুৱতি নিশাই নাবালিকাসহ যুৱকজনক উদ্ধাৰ কৰে কঞা আৰক্ষীয়ে ৷ যুৱক জনৰ ঘৰ ৰঙিয়া মহকুমাৰ ডোৱক গাঁৱৰ হীৰাপাৰা চুবুৰীত৷

হাজোৰ বৰপূল্লা গাঁৱৰ গোপাল লহকৰৰ ১৭ বছৰীয়া কন্যা ৰিমা লহকৰক ২১ আগষ্টৰ সন্ধিয়া আন্ধাৰৰ সুযোগ বুজি ডোৱকৰ হীৰাপাৰা চুবুৰীৰ প্ৰসন্ন হীৰাৰ পুত্ৰ তপন হীৰাই প্ৰেমৰ চলনাৰে পলুৱাই লৈ যায়৷

মাতৃহাৰা নাবালিকাৰ পিতৃয়ে বিভিন্ন ঠাইত বিচাৰিও কোনো শুংসূত্ৰ নোপোৱাত কঞা আৰক্ষী থানাত অপহৰণৰ অভিযোগ তুলি এজাহাৰ দাখিল কৰে ৷

পৰিয়ালৰ অভিযোগৰ ভিত্তিত কঞা আৰক্ষী থানাৰ ভাৰপ্ৰাপ্ত আৰক্ষী বিষয়া প্ৰফুল্ল তালুকদাৰে বিগত নিশা ৰঙিয়া আৰক্ষী থানাৰ অন্তৰ্গত ডোৱক গাঁৱৰ হীৰাপাৰা চুবুৰীৰ যুৱকজনৰ গৃহৰ পৰা দুয়োজনকে উদ্ধাৰ কৰিবলৈ সক্ষম হয় ৷

ধৃত যুৱকজনে পূৰ্বে দুগৰাকীক বিয়া কৰোৱাই খেদি দি তৃতীয় বাৰৰ বাবে নাবালিকাগৰাকীক পলুৱাই নিছিল ৷

ইতিমধ্যে যুৱকজনৰ নামত ৬৭/২১ নংত এটি গোচৰ পঞ্জীয়ন কৰি জেল হাজোতলৈ প্ৰেৰণ কৰে আৰক্ষীয়ে।

Photo & Input: বিকি মেধি