পুনৰ ৰাজ্যত এনকাউণ্টাৰ; ড্ৰাগছ ব্যৱসায়ী আজিজুৰ আৰু ছইদুলক ভৰিত গুলীয়াই আৰক্ষীয়ে, তদন্ত চলি থকাৰ মাজতে চেষ্টা কৰিছিল পলাবলৈ

বছৰৰ শেষৰ দিনা লখিমপুৰত (Lakhimpur) দুজনক একাউণ্টাৰ (Encounter)। দুজন ড্ৰাগছ ব্যৱসায়ীক গুলীচালনা (Police Firing) আৰক্ষীৰ। ভৰিত গুলীবিদ্ধ আজিজুৰ ৰহমান আৰু ছইদুল আলী।

বৃহস্পতিবাৰে ড্ৰাগছসহ গ্ৰেপ্তাৰ (Arrest With Drugs) কৰিছিল যুৱক দুজনক। নিশা তদন্ত চলি থকাৰ সময়ত পলাবলৈ চেষ্টা কৰোতেই ভৰিত গুলি কৰে আৰক্ষীয়ে।

বৰ্তমান লখিমপুৰ চিকিৎসামহাবিদ্যালয়ত চিকিৎসাধীন হৈ আছে ড্ৰাগছ সৰবৰাহকাৰী দুটা ৷ লখিমপুৰ জিলাৰ বান্দৰদেৱা আৰক্ষীয়ে (Banderdawa Police) ড্ৰাগছ সৰবৰাহকাৰীক (Drugs Pedler) কৰিলে এনকাউণ্টাৰ (Encounter), কালি নিশা প্ৰায় ১০.৪৫ বজাত দুটা ড্ৰাগছ বেপাৰীক লক্ষ্য কৰি গুলীচালনা কৰিলে আৰক্ষীয়ে৷

দিনৰ ভাগতে নগাঁৱৰ (Nagaon) পৰা ড্ৰাগছ আনি থকা অৱস্থাত পথালিপাহাৰ টোলগেটৰ সমীপত নাটকীয়ভাৱে বহু লক্ষাধিক টকা মূল্যৰ ড্ৰাগছসহ তিনিটা সৰবৰাহকাৰী আটক কৰিছিল এখন অল্ট’কাৰসহ।

নিশা আৰক্ষীক ড্ৰাগছৰ ঘাটি দেখুৱাবলৈ নিয়া নগাঁৱৰ আজিজুৰ ৰহমান আৰু বিহপুৰীয়া মৰণৈৰ চয়দুল আলীয়ে আৰক্ষীৰ কবলৰ পৰা দৌৰি পলাবলৈ অপচেষ্টা কৰোতে আৰক্ষীয়ে গুলীচালনা কৰে (Firing)।

বিহপুৰীয়া আৰক্ষী থানাৰ পৰিদৰ্শক উৎপল বৰা আৰু বান্দৰদেৱা আৰক্ষী চকীৰ ভাৰপ্ৰাপ্ত আৰক্ষী বিষয়া নিপন গগৈৰ নেতৃত্বত চলা এই ড্ৰাগছ বিৰোধী অভিযানত এনেদৰেই এনকাউণ্টাৰ হয়। সম্প্ৰতি দুয়োটা ড্ৰাগছ সৰবৰাহকাৰীক লখিমপুৰ অসামৰিক চিকিৎসালয়ত ভৰ্তি কৰোৱা হয়।

Photo & Input: ইছৰাকুল ইছলাম

আৰু পঢ়কঃ https://khatangkhobor.com/news/national/viral-video-from-delhi-watch-video-died-man/5749/